新手媽媽丨可宜宣布生龍B一索得男　升呢做靚媽：真係好感動

曾任有線主持的可宜「升呢」做媽媽！港英混血兒可宜，與香港甲一籃球運動員鄭錦興在2021年結婚，二人在去年宣布「造人成功」。在昨日（5月4日），可宜於個人社交平台宣布「卸貨」一索得男，並分享一家三口及BB的照片。

可宜的兒子叫George Mitchell Cheng，她透露囝囝重7磅2盎司，稱︰「Baby George喺香港港安醫院—荃灣平安出世啦﹗回想BB出世一刻真係好感動，好多謝婦產科張智醫生好快手又安全咁拎BB出嚟（好記得臨開刀前，我仲捉住醫生隻手話：好驚啊）。」

她更指兒子樣貌與爸爸如餅印，而且可能獲運動員父親遺傳，中氣十足，稱：「一出世個仔就喊得超級大聲，但最驚嚇都係見到佢個樣十級似爸爸，個口仲要大過我...... 好彩依家都慢慢開始似我，特別係對眼。」 

【美女人妻】可宜與老公度蜜月歎世界　放閃不忘大騷人妻成熟美 【多圖】

▼點擊圖片放大

+6

+5

休息充足復原快

同時，可宜不忘感謝醫護人員的照顧，稱：「醫生仲話BB手腳所有"部位"都特別大。喺醫院我除咗餵奶，其他時間可以全程休息，夠瞓幫到我好快上奶，休息得好好，所以我身體復原得快，感謝每一位關心同祝福我嘅朋友！」

最後，她向媽媽及老公表示︰「最鍚我嘅媽咪，由生產嗰日開始寸步不離照顧我。最後當然多謝我老公，由成個孕期到BB出世都將我服侍到成個女王咁。」

▲ 可宜夫婦。

擺風水陣成功造人

可宜曾接受TOPick專訪透露婚後已不設防，甚至試過睇中醫調理身體、做暖宮及針炙，丈夫亦食各類營養補充品補充精力，無奈始終未能「成功造人」。

心灰意冷下求助風水師，獲指引在床尾放一隻銅雞，之後夫妻就放鬆心情順其自然「造人」，結果在不足一個月下「中獎」，可宜當時也嘖嘖稱奇：「信不信由你。」不過，她強調擺設風水物品需要配合命格，不同人有不同的擺設。

而作為「高齡產婦」，可宜慶幸懷孕時沒嘔及頭暈，惟在懷孕初期易累、渴睡，以及記性變差，笑言試過忘記工作會議走去澳門玩。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5